|
| 呢排係唔係咩日子呢.....之前呀ma 出左院, 而家呀daddy 右去左e 院la... 都唔知點好 ... 真係好唔開心呀... 萬一佢去左 , 咁我點呢 , 幾十年父子情....有時返學開開心, 返到黎就多野諗到死, 唔知佢會唔會好番, 但係我都要比自己一個準備 , 萬一呀daddy 有事 , 我都要睇住我呀ma .....我明天右會去睇佢, 唔知佢會點呢!!! 有時我好想睇佢多d , 但係今年右咁多野做..........我希望佢可以睇到我讀完大學 , 咩大學都好, 佢睇到就ok la....我都佢就係一個唔熟識既呀daddy , 從小佢就佢成日唔得閒 , 唔係太多時間理我 , 到佢而家有事 , 我先覺得佢好 , 佢係一個好爸爸... 雖然佢果時對家中有點過意唔到(d 家庭問題) , 但係呢5-6年佢都還哂 , 有時我會問 , 我係仔 , 我要點對佢呢 , 而家呢一刻, 就係當番佢係呀老豆 , 之前佢點唔岩 , 點唔好 , 今時今日我都化la.... 人生就好似時鐘咁, 係咁過去, 我好想佢係最後既時光過得開心呀 ..... 我呢幾日都唔好意思, 本身想send個ppt 比個fd , 我都未做到佢要求, 我知有時情緒呢家野講唔到, 但係我右唔想全世界知呀 , 我希望你體諒la , 如果你睇到話, 我講句唔好意思呀! 下次唔會咁遲比你呀d 野, 你都好幫得手.........我呢排好想比心機考埋個exam , 到時都想見到呀daddy 健康咁企係我面前..... 雖然係咁 , 但我對生死都有一定既體會 , 我好想佢唔好辛苦咁生活, 第日唔使辛苦咁過去 , 有陣時, 我都會諗佢會唔會好番, 但係我知佢會差落去, 我會好好珍重而家同呀老豆相處既時間呀!!! | | |
| 不知不覺間 , 我媽媽由 1950 年到而家不經意咁到 60 咁大啦 ! 而家見到既佢 , 已經係老左好多 .... 唔似得次前咁 , 我唔知可以倍唔倍到佢多 50 年 ... 一句既說話 , 我係好愛佢 , 佢雖然成日係咁煩我 , 但係我知佢想我好 , 我呢排好怕佢有事 , 佢己經成日去 e 院啦 ! 今年係好難過既一年 , 我老豆都唔似得之前咁精神 , 我最怕既 , 係呀 ma 小左個伴 !! 最記得前兩日 , 我同佢講 , 如果我第日要買被褥點買呢 ? 佢就好唔開心既表情 , 同我講 , 你好想搬 ? 呢一刻 , 我好想快 d 畢業 , 比呀 ma 一份好好既禮物 ! 想倍佢多 d , 做過有用既人 !!! 我讀書唔叻 , 有個同學話我成日做野就過左海就係神先 , 所以呢 2 年係港專讀書 , 都係過得好險 ! 而家既我 , 我會比心機做好我既野 , 係呢一刻 , 我都唔會做野得過且過 , 但求做到七八十分 , 我都會好心足 !! 係未來 , 我真係好想比到一份長工既糧比佢 , 希望佢健康咁安享佢退休既生活 !! | | |
| 抖左2日咁大把 , 好辛苦 ! 做完野就病 , 辛苦命啦 ! 時間話咁快就過 , 果 3 日係會展真係好開心 , 做野做得好正 , 右唔使咁大壓力 ! 同事右好 , 真係好掛住果 3日呀 ! 但係右過左 3 日之後 , 右係要返學既日子 , 要比心機做好 D 野 .. 保險果到係就係考到 , 但係唔做啦 , 都冇時間 ... D PROJECT 多到死 , 右多 HOMEWORK , 第日重要有份 PROJECT 既做網頁 , 都唔知點樣死比佢 , 明天右要溫書啦 , 唔係 D 野唔識呀 !!! 講真今年真係過得好開心呀 , 好過前年咁呀 !! 希望可以須利讀到 high dip 啦 ! 天生我才必有用 ..... 重有要常樂天 ... 常美好 !!! 任何時看的總比黑色好 !!! | | |
| 右一個年頭 , 上年發生左好多事 ! 今日打開左左你既 xanga 好開心 , 見你重好似之前咁 ...... maybe 呢 d 就係叫過去 , 我都回復左正常既生活 ... 今日既天氣唔係咁好 , 一陣一陣既既雨拍打緊窗口 , 好大雨 ......我而家就係到比心機溫書 , 其實會當溫書同工作作為一種填補空間既工具..........要比心機, 有好既gpa | | |
| 今日出左去 mk 拎電話 , 今年我叫呀 ma 係續電話果時叫佢冇電話就唔用佢(香港寛x) (x=唔知點打) , and then 呢 , 佢就話比個室內電話我地啦 , 點知出去三次 , 三次都話冇貨 , 係今日先拎到咋 , 而家好唔中意出 mk , 人多車多 , 煩到死呀 ... 見到好多果 d 小朋友著到好 mk 咁出去 , 我見有個重要冇身材既小妹妹 ( 眼見12-3 咁上下大) 著件吊帶咁 ... 真係唔知點講好呀 ... 講時講重有兩星期呢就係要返學既日子 , 一定要打醒12分精神 , 今年gpa 一定要high! high! high! 有三呀... 一定要呀, 比心機呀我.. !!!! | | |
|
